Яқин кунларда Қозоғистонда момақалдироқ, кучли ёмғир, ва дўл ёғиши кутилмоқда
13 Май 14:12

Яқин кунларда Қозоғистонда момақалдироқ, кучли ёмғир, ва дўл ёғиши кутилмоқда

NUR-SULTAN. Kazinform – Синоптиклар 14—16 май кунлари Қозоғистонда кузатиладиган об-ҳаво маълумотларини маълум қилди, дея хабар беради Kazinform.

Келгуси дам олиш кунлари Қозоғистондаги синоптик вазият Шимолий Атлантика циклонининг иссиқ сектори ва у билан боғлиқ атмосфера фронтларининг ўтиши билан белгиланади. Шарқда, ғарбда ва тоғли, тоғолди ҳудудларида ёмғир ёғади, баъзан кучли ёмғир, дўл ёғади, момақалдироқ бўлади, шамол кучаяди.

Аммо, шунга қарамай, ҳарорат фонида сезиларли ўзгаришлар кутилмайди. Мамлакатнинг ғарбида, шимолида, шарқи ва марказида кундузи термометр кўрсаткичлари 17-25 даражагача кўтарилади, жанубий ҳудудларда эса 18-28 дан 23-35 даражагача иссиқ бўлади.

Янгиликлар

Архив