Яқин кунларда Қозоғистонда 30 даражагача совуқ бўлади

NUR-SULTAN. Kazinform – Синоптиклар 11-13 январ кунлари кутилаётган об-ҳаво маълумотларини эълон қилди, деб хабар беради Kazinform «Қазгидромет»га таяниб.

Синоптикларнинг прогнозларига кўра, шимоли-ғарбий антициклон совуққа олиб келади.

«Мамлакатнинг шимолий, марказий ва шарқий ҳудудлари шимоли-ғарбий антициклон таъсирида: баъзи жойларда ҳаво ҳарорати 30 даража совуқгача, 20-25 даражагача совуқ бўлади. 12 январ куни шимолий ва жанубий циклонлар қор ва бўронга олиб келади, ҳаво ҳароратининг қисқа муддатли кўтарилиши кузатилади. Бироқ 13 январ куни совуқ шимоли-ғарбий антициклон орқага қараб силжийди ва ўзи билан мамлакат шимоли-ғарби, шимоли, шарқи ва марказида 30 даражагача совуқни олиб келади», - дейилади хабарда.

Қозоғистоннинг жанубий ва жануби-шарқий вилоятларига келадиган бўлсак, жанубий циклон ёғингарчилик (ёмғир, қор), туман тушиши, муз қотиши, кучли шамол эсиши ва ҳаво ҳароратининг босқичма-босқич 2-10 даражага кўтарилишига олиб келади.