Яқин кунларда Қозоғистонда 18 даражагача қаттиқ совуқ бўлади

NUR-SULTAN. Kazinform – Қазгидромет яқин уч кунлик об-ҳаво маълумотини эълон қилди, деб хабар беради Kazinform.

«Кейинги уч кун ичида Қозоғистоннинг аксарият ҳудудларида ҳаво ҳароратининг босқичма-босқич пасайиб боришига марказ Екатеринбургда жойлашган нам циклон таъсир қилади. Айрим жойларда қор ёғади, мамлакатнинг шимолий қисмида кучли шамоллар ва қор бўронлари бўлади», - дейилади хабарда.

Қозоғистоннинг ғарбий ҳудудларига совуқ шимоли-ғарбий антициклоннинг ҳаракатланиши билан ёғингарчилик 15 ноябрдан тўхташи мумкин.

Кечаси Қозоғистоннинг аксарият ҳудудларида ҳаво ҳарорати аста-секин 10-18 даражагача пасайиши, жануби-ғарбда, жанубда, жануби-шарқда ва шарқда 2-13 даражагача совуқ бўлиши кутилмоқда. Баъзи жойларда туман тушади, жанубда яхмалак кутилади.