Ядровий авария содир бўлган тақдирда МДҲ давлатлари ўртасида шошилинч ёрдам кўрсатиш тартиби аниқланди

NUR-SULTAN. Kazinform – Бугун ҚР Парламенти Мажилиснинг ялпи мажлисида «МДҲга аъзо давлатлар ўртасида ядро фалокати ёки радиациявий фавқулодда вазиятга тайёргарлик кўриш ва уларнинг оқибатларини бартараф этишда ўзаро ёрдам кўрсатишда ҳамкорлик тўғрисида шартномани ратификация қилиш тўғрисида»ги қонун лойиҳасини маъқуллади, деб хабар беради Kazinform мухбири.

Шартномани ишлаб чиқиш 2016 йил 18 мартдаги МДҲга аъзо давлатларнинг атом энергиясидан тинч мақсадларда фойдаланиш соҳасида ядровий ва радиациявий хавфсизлик концепциясини амалга ошириш бўйича устувор ҳаракатлар режасида кўзда тутилган.

«Ушбу келишувни ратификация қилиш МДҲга аъзо давлатларга ядровий авария ёки радиациявий фавқулодда вазиятларда тезкор равишда маълумот ва ёрдам беришга имкон беради.

Келишув МДҲга аъзо давлатларнинг ваколатли органлари ўртасидаги ҳамкорликнинг самарадорлиги ва ҳосилдорлигини оширишга, атом энергиясидан тинч мақсадларда фойдаланиш билан боғлиқ ҳар қандай ҳодисаларга ўз вақтида жавоб беришга қаратилган. Келишув лойиҳаси 2018 йил 14 июнда бўлиб ўтган МДҲ Иқтисодий Кенгаши йиғилишида маъқулланди ва Қозоғистон Бош вазири томонидан 2018 йил 2 ноябрда Астана шаҳрида бўлиб ўтган МДҲ Ҳукумат раҳбарлари кенгашининг мажлисида имзоланди», - деди ҚР Энергетика вазири Нурлан Ноғаев.

Шартноманинг иштирокчилари: Арманистон Республикаси, Беларусь Республикаси, Қозоғистон Республикаси, Қирғиз Республикаси, Россия Федерацияси, Тожикистон Республикаси ва Ўзбекистон Республикаси.

Муаллиф: Руслан Ғаббасов