Венгрияда қурғоқчилик сув таъминоти тизимига путур етказмоқда
Кейинги уч ҳафта ичида Дунай дарёсининг сатҳи 150 сантиметрга пасайди. Худди шундай вазият Венгриянинг бошқа йирик дарёлари - Тиса ва Ипелда ҳам кузатилмоқда. Сув даражаси рекорд даражага тушиб кетди, кўплаб кичик кўллар қуриб кетди.
Венгриядаги ичимлик суви миқдори мамлакатнинг Дунайдан кейинги иккинчи асосий дарёси бўлган Тисанинг сув даражасига боғлиқ. Айрим ҳудудий сув таъминоти корхоналари аллақачон ҳокимиятни сув танқислиги ва сув босимининг пасайиши ҳақида огоҳлантирмоқда.
Мамлакат бош сув хўжалиги бошқармаси маълумотларига кўра, ёғингарчилик миқдори икки баробарга камайди. Бу йилги қурғоқчилик айниқса Пушта минтақаси деҳқонларига таъсир кўрсатади. Ғалла ҳосилдорлиги жиддий хавф остида. Ўтган йилда гектарига 4,5-5 тоннадан ҳосил олинган бўлса, бу йил 2-4 тоннани ташкил этиши тахмин қилинмоқда.
Фото: krone.at