Вазир: Қозоғистон ОТМларининг дипломлари барча мамлакатларда тан олинади

NUR-SULTAN. Kazinform – Қозоғистон таълим ва фан вазири Асхат Аймағамбетов Россия олий ўқув юртлари билан олиб борилаётган музокаралар ҳақида маълум қилди, дея хабар бермоқда Kazinform мухбири.

Унинг сўзларига кўра, умуман олганда, Қозоғистон турли мамлакатлардаги қатор университетлар билан музокаралар олиб бориш имкониятини кўриб чиқмоқда. Бундан ташқари, Москва муҳандислик-физика институти, Н.Е.Бауман номидаги Москва давлат техника университети, И.М.Губкин номидаги Россия давлат нефт ва газ университети вакиллари билан музокаралар олиб борилмоқда.

«Чунки университетлар ташкилий муаммоларни ҳал қилиши керак. Бунда университет таркибида уларнинг филиалларини очиш масаласи кўриб чиқилмоқда. ММФИ, ўз навбатида, Қозоқ Миллий университети билан музокаралар олиб бормоқда», — деди вазир.

«Қозоғистон дипломлари барча мамлакатларда тан олинади. Масалан, талаба юртимизда бакалавр даражасини олиб, Европа ва Буюк Британияга магистратурада ўқиш учун бориши мумкин», — деди вазир.

Муаллиф: Руслан Ғаббасов