Ватандошлар ўртасида мини-футбол мусобақаси бўлиб ўтди

NUR-SULTAN. Kazinform - Нур-Султан шаҳрида Қозоғистон мустақиллигининг 30 йиллигига бағишланган мини-футбол бўйича республика турнири бўлиб ўтди, деб хабар беради Kazinform мухбири.

Мамлакатимизнинг 12 минтақасида яшовчи ватандошларимиз 5G CYBER SPORT клуби томонидан ташкил этилган мусобақага ҳар бири битта жамоани тайёрладилар ва 12 жамоа ўзаро куч синашдилар.

Натижада биринчи ўринни Алматининг «Бірлік Керуен» жамоаси эгаллади. Иккинчи ўринни пойтахтнинг «5G CYBER ARENA» жамоаси, учинчи ўринни Алматининг яна бир жамоаси «Бақ АСМАР» эгаллади.

Ғолиб жамоалар кубоклар билан биргаликда мос равишда 500 минг, 300 минг ва 150 минг танга миқдорида пул мукофотларига эга бўлишди.

Мусобақа якунида ғолиб жамоаларни тақдирлашда «5G CYBER ARENA» клуби директори Талғат Лаззат мусобақанинг асосий мақсади ва аҳамияти ҳақида сўзлаб берди.

«Бу йил Ватанимиз мустақиллигининг 30 йиллиги! Мамлакат ушбу улуғ байрамни нишонламоқда. Ушбу қисқа вақт ичида чет элда яшовчи бир миллионга яқин одам мамлакатимизга кўчиб келди. Бугунги танловимизнинг асосий мақсади Мустақилликнинг 30 йиллигини нишонлашдир. Мустақилликнинг қадр-қимматини билиш. Ёшларимиз учун соғлом турмуш тарзи ва спортни тарғиб қилиш ҳам муҳимдир «, - деди у.

Муаллиф: Кунсултан Отарбай