Ван Гогнинг сурати рекорд нархда сотилди

NUR-SULTAN. Kazinform – Винсент Ван Гогнинг илгари кўрилмаган сурати Париждаги Sotheby's кўргазмасида 13 миллион еврога (6 миллиард тенгедан зиёд) сотилди, деб хабар берди Kazinform Deutsche Welleга асосланиб.

Расмнинг сотилиши Модильяни, Родин, Камилла Клодель, Дега, Кли ва Магритт каби рассомларнинг 33 та иши ким ошди савдосини якунлади.

«Винсент Ван Гогнинг асрлар давомида шахсий коллекциясида бўлган ва шу ҳафта биринчи марта намойиш қилинган «Монтмартрдаги кўча кўриниши» Парижда 13 091 250 еврога сотилди», - дейилади ким ошди савдоси уйининг Twitterдаги саҳифасида.

Ван Гогнинг «Монтмартрдаги кўча кўриниши» асари 1887 йилда Парижда акаси Тео билан бирга яшаб юрганида чизилган. Расмда Монтмартрнинг рамзларидан бири - Мулен де ла Галеттедаги шамол тегирмони тасвирланган. Ушбу асар 1920 йилдан бери шахсий коллекцияда сақланиб келинган.

Шуни таъкидлаш керакки, расмнинг дастлабки қиймати 5-8 миллион еврони ташкил этган.