Ван Гогнинг сурати ким ошди савдосида 39,2 млн долларга сотилди

NEW YORK. Kazinform – Голландиялик импрессионист рассом Винсент Ван Гогнинг (1853-1890) «Тренктаедаги кўприк» сурати пайшанба куни Нью-Йоркдаги Christie's ким ошди савдосида 39,2 миллион долларга сотилди, деб хабар беради Kazinform.

Ван Гог ушбу суратни 1888 йили чизган.

Лотнинг қиймати 34 миллион долларни ташкил этди, аммо суратнинг янги эгаси барча қўшимча тўловларни ҳисобга олган ҳолда жами 39,29 миллион доллар тўлаши керак.

Ван Гог 2100 дан ортиқ асар, шу жумладан, 860 га яқин сурат ёғли бўёқ билан чизган. Улар орасида портретлар, автопортретлар, турли хил ландшафтлар ва натюрмортлар мавжуд.

Christie'sга кўра, Ван Гог ушбу суратни карьерасининг энг самарали даврларидан бирида чизган.