Университетларнинг академик мустақиллигини мустаҳкамлаш сиёсати давом эттирилади – Қозоғистон Фан вазири

ASTANA. Kazinform – Бизнес ва саноат вакиллари билан яқин алоқада илмий лойиҳалар ишлаб чиқилмоқда. Бу ҳақда Қозоғистон Республикаси Фан ва олий таълим вазири Саясат Нурбек Ҳукумат йиғилишида мамлакатда 2026 йилгача таълимни ривожлантириш концепциясини муҳокама қилиш чоғида маълум қилди, деб хабар беради Kazinform мухбири.

«Кадрлар тайёрлашда прогнозлаш моделига ўтиш ҳақида гапирадиган бўлсак, бу минтақа ва иқтисодиёт тармоқлари учун зарур бўлган янги касбларга бўлган талаб ҳамда прогноз ва прогнозлаш асосида кадрлар тайёрлаш тизимининг самарали уйғунлашувидир. Бунда давлат, бизнес, олий ўқув юртларининг саъй-ҳаракатлари бирлаштирилади»

, — деди С. Нурбек.

Шу билан бирга, «Янги мутахассисликлар атласи» яратилганини эслатди.

«Шу билан бирга, минтақавий стандартлар ишлаб чиқилади. Бу 2025 йилгача аҳоли даромадларини ошириш дастурига киритилган «Касбим – келажагим» лойиҳасини амалга ошириш имконини беради. Шу нуқтаи назардан, самарали касбий йщналтириш ва кадрлар тайёрлаш бўйича прогнозлаш моделини ишлаб чиқиш имконини беради»

, — деди вазир.

Бундан ташқари, олий ва олий таълимдан кейинги таълим мазмунини янгилаш ва рақобатбардошлигини ошириш масаласига алоҳида эътибор қаратди.

«Университетларнинг академик мустақиллигини ошириш сиёсати давом эттирилади. Глобал таълим дастурлари ишлаб чиқилади. Тадбиркорлик ва саноат вакиллари билан яқин алоқада илмий лойиҳаларни ишлаб чиқиш режалаштирилган. Ҳудудий миқёсда компетенция марказларини ташкил этиш ишлари давом эттирилади»

, — деди Саясат Нурбек.

Муаллиф: Руслан Ғаббасов