Универсиада: Қозоғистон олтинчи медални қўлга киритди
11:12, 21 Январ 2023
ASTANА. Kazinform – АҚШнинг Лэйк-Плэсид шаҳрида бўлиб ўтаётган Универсиадада Қозоғистон олтинчи медални қўлга киритди, деб хабар беради Kazinform Sports.kzга таяниб.
Чанғи спортида трампиндан сакраш бўйича эркаклар жамоаси аъзоларидан Данил Василев ва Сергей Ткаченко энг яхши натижаларни кўрсатиб, универсиаданинг кумуш медалини қўлга киритди.
Қозоғистон жамоаси Австрия термасига йўл бериб, япониялик спортчиларни ортда қолдирди.
Эслатиб ўтамиз, Қозоғистон терма жамоаси Универсиадада 3 та олтин, 1 та кумуш ва 2 та бронза медалини қўлга киритди.