Улитау миллий боғини яратиш қанча маблағ талаб қилади

NUR-SULTAN. Кazinform – Қозоғистон Ўрмон хўжалиги ва ҳайвонот дунёси қўмитаси раиси вазифасини бажарувчи Ерлан Қутпанбаев Улитау давлат миллий табиий боғини ташкил этиш учун қанча маблағ сарфланишини айтди, деб хабар беради Kazinform мухбири.

Улитау миллий боғини яратиш қанча туради? Умуман, миллий боғларни ривожлантириш истиқболлари қандай? Қандай иқтисодий фойда бор? Парклар ўзини оқладими? Марказий коммуникациялар марказида бўлиб ўтган брифингда ҚР Экология, геология ва табиий ресурслар вазирлиги вакилларига шу савол берилди.

«Улитау давлат миллий табиий боғининг 2022 йил учун бюджети 236 миллион тенге. Бугунги кунда бу маблағлар республика бюджетидан ажратилмоқда. 2022 йил 1 январдан бошлаб ходимлар сони ва бошқа ташкилий масалалар аниқ бўлади», - деди Ўрмон хўжалиги ва ҳайвонот дунёси қўмитаси раиси вазифасини бажарувчи Ерлан Қутпанбаев.

Унинг сўзларига кўра, давлат миллий боғларни иқтисодий манфаатлар учун сақламайди.

– Миллий боғларни яратишдан кўзланган асосий мақсад, энг аввало, табиатни муҳофаза қилиш хизматидир. Яъни, ноёб табиий мажмуаларни муҳофаза қилишга қаратилган. Шу муносабат билан миллий боғлар даромадини ҳисоблаш иккинчи даражали масала, деб ҳисоблаймиз», — деди қўмита раҳбари.

Муаллиф: Есимжан Нақтибай