Ҳукуматда Алмати шаҳрини ривожлантириш масалалари муҳокама қилинди
Хусусан, марказий давлат органлари раҳбарлари Бош вазирнинг 10 март куни Алмати шаҳрига амалий ташрифи чоғида берилган топшириқларнинг бажарилиши юзасидан ҳисобот берди.
Суҳбатда маҳаллий ишлаб чиқарувчиларни қўллаб-қувватлаш, «Олтинкўл» вокзалини ривожлантиришнинг бош режасини ишлаб чиқиш, бюджет инвестиция лойиҳалари рўйхатини кенгайтириш, қурилиш соҳасида назоратни кучайтириш бўйича кўрилаётган чора-тадбирлар ҳақида сўз борди.
Алмати мисолида республиканинг барча ҳудудларида кичик саноат паркларини ташкил этиш чоралари кўрилгани алоҳида таъкидланди.
Кенгаш иштирокчилари жанубий пойтахтда савдо оқимини оптималлаштириш ва транспорт инфратузилмасини қулайлаштириш имконини берувчи улгуржи тарқатиш ва савдо-логистика марказлари тармоғини ривожлантириш режаларини ҳам муҳокама қилди.
Шу билан бирга, Алмати шаҳрининг бош режасини ва 2030 йилгача Алмати агломерациясини ривожлантиришнинг комплекс режасини ишлаб чиқиш, шунингдек, кенг кўламли сейсмик аудит ўтказиш борасида шаҳарнинг сейсмик хавфсизлигини ошириш бўйича маъруза қилинди.
Бош вазир таклиф этилаётган усулларни қўллаб-қувватлаб, режалаштирилган ишларни сифатли амалга ошириш зарурлигини таъкидлади.
«Агар агломерацияни ҳисобга оладиган бўлсак, Алмати мамлакатнинг аҳоли зич жойлашган энг муҳим ҳудудларидан биридир. Шунинг учун биз маъмурият ва хўжалик юритувчи субъектлар олдида турган долзарб муаммоларни тизимли равишда ҳал этишимиз керак. Амалий ташриф якунларига кўра, 28 та топшириқ берилди ва давлат органлари уларни ўз вақтида ва сифатли бажариш бўйича ишларни давом эттириши керак», — деди Алихан Смаилов.
Кенгашда, шунингдек, Алмати саноат зонасини кенгайтириш, экологик муаммоларни ҳал қилиш, «Қулай мактаб» миллий лойиҳасини амалга оширишга маҳаллий ишлаб чиқарувчиларни жалб қилиш, 100 та янги йирик қўшимча таълим объектларини қуриш, қишлоқ хўжалигига сувни тежайдиган технологияларни жорий этиш ва бошқа бир қатор масалалар муҳокама қилинди.
Фото: primeminister.kz