Украинадан эвакуация қилинган қозоғистонликлар минган биринчи рейс Алматига қўнди

ALMATY. Кazinform - Украинадан эвакуация қилинган қозоғистонликлар минган биринчи рейс Алматига қўнди, деб хабар беради Кazinform мухбири.

Аir Аstana авиакомпаниясининг Аirbus А321 самолёти Украинадан эвакуация қилинган Қозоғистон фуқаролари билан Алмати халқаро аэропортига етиб келди. Самолёт Польшанинг Катовице шаҳридан ҳавога кўтарилди.

Фавқулодда вазиятларда аэропортда тиббиёт мутахассислари навбатчилик қилишган.

Эвакуация қилинган қозоғистонликлар Алмати ҳокимлиги томонидан кунига уч маҳал овқатланадиган қулай меҳмонхонага жойлаштирилди.

Алматига келган барча меҳмонларга ўз вақтида ва ҳар томонлама ёрдам кўрсатилади.

Шаҳар ҳокимлиги зарур ҳолларда тиббий, жумладан, психологик ёрдам кўрсатишга тайёр.

Алматига Украинадан яна бир репатриация рейси келиши кутилмоқда.

Муаллиф: Алма Муқанова