Туркиянинг Анталия шаҳрига охирги етти ойда 6 млндан зиёд сайёҳ ташриф буюрди

ANKARA. Kazinform - Жорий йил бошидан бери Туркиянинг Ўрта ер денгизи соҳилидаги энг йирик шаҳри ва Туркия Ривьерасининг асосий марказларидан бирига 6 млндан ортиқ хорижлик сайёҳ ташриф буюрди, деб хабар беради Kazinform мухбири.

Маҳаллий ҳокимият органларининг расмий маълумотларига кўра, жорий йилнинг 1 январидан 24 июлига қадар Туркиянинг Ўрта ер денгизи соҳилида жойлашган машҳур курортларига келганлар сони 107 фоизга ошган.

Июл ойи охирида Анталияга 2020 ва 2021 йиллардагидан кўпроқ сайёҳлар келган.

Умуман олганда, ўтган йили коронавирус пандемияси саёҳат ва сайёҳлик фаолиятига халақит берган бир пайтда вилоятга 3 миллионга яқин сайёҳ ташриф буюрган бўлса, 2020 йилда Анталияга атиги 682 минг киши келган.

Туркияга хорижлик сайёҳлар оқими жорий йилда кўпчилик давлатлар, жумладан Туркия, COVID-19 билан боғлиқ вазият яхшилангани кейин карантин талабларини юмшатганидан сўнг ўсишни бошлади.

Туркия Маданият ва туризм вазирлиги томонидан эълон қилинган статистик маълумотларга кўра, жорий йилнинг 4 ойида хориждан жами 7,4 миллион фуқаро мамлакатга ташриф буюрган.

Бу ўтган йилга нисбатан 173 фоизга кўпдир. Биргина апрел ойида дам олувчилар сони 226 фоизга ошган.

Муаллиф: Ақжигит Чукубаев