Туркиядаги ўрмон ёнғини меҳмонхонага ўтди

NUR-SULTAN. Kazinform - Жума куни Туркиянинг Муғла вилоятида Эгей денгизидаги Мармарис курорт шаҳри яқинидаги Иcмелер туманида ўрмон ёнғини содир бўлди, дея хабар бермоқда Kazinform Euronews телеканалига таяниб.

Шамол эса алангани меҳмонхона ҳудудига ёйиб юборди. Муассаса туризм соҳасида фаолият юритувчи талабаларни тайёрлаш мактаби сифатида ҳам хизмат қилади. Шунингдек, аҳоли турар-жойлари атрофи ёниб кетган.

Ёнғинни ўчириш учун Муғла вилояти ўрмон хўжалиги бошқармаси ва ёнғинга қарши авиация отрядлари – 5 та самолёт ва 7 та вертолёт сафарбар этилган.

Францияда, жума куни, Аркашон ҳавзасидаги Ла Тесте-де-Бюш шаҳри яқинида 7000 гектар ўрмон аланга ичида қолди. Ҳозирда ёнғин тарқалиши назорат остида, бироқ тўлиқ ўчирилгани йўқ.

Франция Биологик хилма-хиллик бошқармаси гуруҳи қурғоқчилик туфайли сувни тежаш тўғрисида огоҳлантириш учун Воклюз минтақасидаги одамлар ва фермерларга ташриф буюрмоқда.