Туркияда зилзила оқибатида жабрланганлар сони 93 нафарга етди

ASTANA. Kazinform - Туркиянинг Дюздже шаҳрида содир бўлган зилзила туфайли жабрланганлар сони 93 кишига етди, деб хабар бермоқда Kazinform.

Аввалроқ мамлакат Соғлиқни сақлаш вазирлиги раҳбари Фаҳреттин Кожа жабрланган 68 киши ҳақида маълумот берган эди. Бугун уларнинг сони 93 тага етди. Улардан 14 нафари шаҳар шифохоналарида стационар шифокорлар назоратига олинган.

Вазирнинг сўзларига кўра, қурбонларнинг аксарияти Дюздже аҳолисидир. Одамлар турли даражадаги жароҳатлар олган.

Жами зилзиладан Дюзджеда 37, Истанбулда 2, Болуда 14, Зонгулдакда 10, Сакаряда 26, Бурсада 4 киши жабрланган.

Туркия ҳукумати Фавқулодда вазиятларнинг олдини олиш ва жавоб бериш агентлиги (AFAD) янгиланган маълумотларига кўра, зилзиладан кейин минтақада жами 212 зилзила содир бўлган, уларнинг энг кучлиси 4,3 магнитудали эди.

Эслатиб ўтамиз, аввалроқ Туркияда 23 ноябр куни маҳаллий вақт билан соат 4:08 да Рихтер шкаласи бўйича 5,9 балли зилзила содир бўлгани хабар қилинганди. Зилзилалар эпицентри мамлакат шимоли-ғарбидаги Дюздже шаҳрида жойлашган.

Фото: apa.az