Туркияда «Томирис» фильми намойиш этилди

ISTANBUL.Kazinform – 2021 йил 31 августда Туркияда «Томирис» фильмининг премьераси Истанбулда бўлиб ўтди, деб хабар беради Kazinform.

Қардош мамлакатда тарихий драманинг биринчи намойишига фильмнинг режиссёри Акан Сатаев ва бош ролни ижрочи актриса Альмира Турсин махсус меҳмон бўлди. Қозоғистон Мустақиллигининг 30 йиллигига бағишланган премьерада Қозоғистоннинг Туркиядаги элчиси Абзал Сапарбекули ва Истанбулдаги бош консул Алим Байел, Турк сиёсатчилари, маҳаллий зиёлилар ва Истанбулдаги қозоқ диаспораси вакиллари ҳам иштирок этишди.

Буюк дашт тарихини қизиқарли тарзда тақдим этган маҳаллий фильм томошабинлар томонидан илиқ кутиб олинди. Таъкидлаш жоизки, малика Томирис Туркияда таниқли тарихий шахс бўлиб, унинг исми қизларга берилган.

Фильм 3 сентабрь куни Туркиядаги икки юздан ортиқ кинотеатрларда намойиш этилади.