Туркия қирғоқларида муҳожирлар қутқарилди

IZMIR. ANADOLU - Kazinform – Туркия қирғоқ қўриқлаш хизмати Эгей денгизидаги Греция ҳудудий сувларидан Туркия қирғоқлари йўналишида мажбуран чиқариб юборилган 194 нафар ноқонуний муҳожирни қутқарди. Бу ҳақда Kazinform Анадолу агентлигига таяниб хабар беради.

Туркия қирғоқ хавфсизлиги маълумотларига кўра, Измир вилоятининг Урла ва Чешме туманлари қирғоқларида муҳожирлар қутқарилган.

Бошқарма, шунингдек, Измирнинг Карабурун туманида чегарани ноқонуний кесиб ўтишга уринган 45 нафар ноқонуний муҳожирнинг қўлга олинганини маълум қилди.

Ноқонуний мигрантлар миграция хизмати вилоят бошқармасига топширилди.

Фото: aa.com.tr