Туркия илк бор коинотга ўзининг сунъий йўлдошини учиради

АNKARA. АNADOLY – Кazinform – Туркиянинг биринчи IMECE кузатув сунъий йўлдоши 11 апрель куни орбитага чиқарилади, дея хабар беради Кazinform Анадолу агентлигига таяниб.

Бу ҳақда Туркия президенти Режеп Таййиб Эрдоғон 9 апрель, якшанба куни Twitterдаги саҳифасида ёзди.

«Туркия глобал космик пойгага малакали кадрлар, имкониятлар ва ўзи ишлаб чиққан технологиялар билан ҳисса қўшишда давом этади», – деб ёзди Давлат раҳбари.

IMECE сунъий йўлдоши Туркия космик технологиялар тадқиқот институти (TÜBITAK UZAY) муҳандислари томонидан яратилган.

11 апрель, сешанба куни институт ҳудудида сунъий йўлдошнинг учирилиши муносабати билан тантанали маросим бўлиб ўтади, унда Туркия Президенти йиғилганларга видеомурожаат қилади.

Учрашувда Туркия Миллий Мудофаа вазири Ҳулуси Акар ва Туркия Саноат ва технология вазири Мустафа Варанк иштирок этади.

Туркиянинг IMECE сунъий йўлдошини Space X Туркия вақти билан соат 09.50 да учиради.

Худди шу ракета турк фазо компаниялари томонидан ишлаб чиқарилган AKUP, KILIÇSAT ва CONNECTA T2.1 сунъий йўлдошларини коинотга олиб чиқади.

IMECE сунъий йўлдоши 21 февраль куни АҚШнинг Ванденберг ҳаво кучлари базасига етказилди. Қаҳраманмараш провинциясидаги зилзиладан кейин мамлакатдаги вазият туфайли тегишли тартиб амалга оширилмади.

IMECE сунъий йўлдоши 2017 йилда учирилган. У 680 километр баландликда ишлайди.

Сунъий йўлдошлар сайёрамизнинг барча бурчакларидан суратга олиши мумкин, табиий офатлар ҳақида маълумот беради, картография ва қишлоқ хўжалигида кенг қўлланилади.

Ҳам фуқаролик, ҳам хавфсизлик мақсадларида фойдаланиш мумкин бўлган сунъий йўлдошнинг тахминий хизмат муддати – беш йил.

Қурилманинг оғирлиги тахминан 700 кг, ўлчами 2х3, 1 метр.

У биринчи марта узунлиги 1000 км ва эни 16,73 км бўлган майдонни суратга олиш имкониятига эга бўлади ва ердаги станциясига секундига 320 мегабайт тезликда суратларни юклай олади.