Туркия ғарбида яна қаттиқ ер қимирлади

NUR-SULTAN. Kazinform – Туркия ғарбидаги Маниса провинциясида магнитудаси 4,8 баллик ер қимирлади, деб хабар беради Kazinform Анадолу агентлигига ҳавола қилиб.

Туркия ҳукумати ҳузуридаги Фавқулодда вазиятларнинг олдини олиш ва оқибатларини бартараф қилиш бошқармаси (AFAD)нинг хабар қилишича, ер қимирлаши маҳаллий вақт билан 05:43да қайд этилган.

Зилзала гипоцентри Акхисар туманида, 7 км чуқурликда жойлашган.

Эслатиб ўтамиз, кеча Эронда содир бўлган зилзила оқибатида Туркияда одамлар ҳалок бўлганди.