16:44, 25 Феврал 2021 | GMT +6
Туркистонлик шифокорлар Туркияда малака оширади
TÚRKİSTAN. Kazinform – Туркистон тиббиёт мутахассислари тажриба алмашиш учун Туркияга жўнаб кетишди. Истанбул шаҳрига малака оширишга борганлар орасида тез ёрдам станциясининг 10 шифокори ва фельдшерлари ҳам бор, деб хабар беради Kazinform мухбири.
Бу тадбир вилоят Соғлиқни сақлаш бошқармаси томонидан ташкил этилган. Асосий мақсад - тиббиёт мутахассисларини энг янги технологияларни ўзлаштириш ва беморларни тезда даволашга ўргатишдир.
Эслатиб ўтамиз, малакасини ошириш учун Туркистон, Кентау ва Ордабаси станцияларининг тиббиёт ходимларидан иборат махсус гуруҳ юборилган. Улар мамлакатдаги кўплаб тиббиёт муассасаларида бўлиб, ҳамкасблари билан тажриба алмашадилар.
Йиғилган тажриба ҳудуддаги тез тиббий ёрдам сифатини яхшилайди. Йил охиригача яна бир нечта гуруҳларни чет элларда ўқитишни режалаштирмоқда. Умуман олганда, ўтган йили вилоят шифохоналари ва клиникаларида ишлайдиган 3000 га яқин тиббиёт ходими малака оширди.
