Туркистонлик деҳқонлар ўз гулларини байрам арафасида сотмоқдалар

TÚRKİSTAN. Кazinform – Туркистон вилоятида гул етиштириш билан шуғулланаётган аҳоли март ойининг махсус байрами муносабати билан лола, атиргул ва лилия гулларини сотувга қўйди. Ҳозир улар мамлакатнинг бир қанча шаҳарларидан буюртмалар қабул қилмоқда, деб хабар беради Кazinform мухбири.

Сариағаш туманида иссиқхона тадбиркорлиги билан шуғулланаётган фермерлар тўрт фаслда мамлакатнинг барча ҳудудларига гул сотмоқда. Шунинг учун чегара ҳудуди «иссиқхоналар маскани» деб аталган. Унумдор ер, қулай иқлимдан унумли фойдаланган деҳқонлар бир неча турдаги гуллар етиштирмоқда. Гуллар нафақат Чимкент шаҳрига, балки Алмати, Астана каби йирик шаҳарларга ҳам етказиб берилмоқда. Байрам арафасида гул харидорлари гавжум. Кундан кунга талаб ортиб бормоқда. Масалан, Дербисек қишлоқ округидаги «Кўктем» фермер хўжалиги 8 йилдан буён лола етиштириш билан шуғулланади. Иссиқхона 1,30 гектар майдонни эгаллайди. Мазкур хўжаликда 10 дан ортиқ Нидерландия лола навлари етиштирилади. Бу ерда 10 киши доимий иш билан таъминланган. Тажрибали тадбиркорнинг айтишича, йилига 120-130 минг туп лола етиштираман. Ушбу қишлоқ туманидаги «Алия» фермер хўжалигида атиргул, қора сеҳр ва голланд фридуми етиштирилади. Иссиқхонанинг майдони 4 гектарни ташкил қилади. 15 йилдан буён шу тадбиркорлик билан шуғулланиб келаётган фермер йилига 20-40 минг дона атиргул сотади.

Муаллиф: Айнур Ақбаева