Туркистонда туркий тилли давлатлар саммитига тайёргарлик бошланди

TÚRKİSTAN. Kazinform – Туркистон вилоятида Туркий тилли Давлатлар саммитига тайёргарлик бошланди. Бу ҳақда вилоят ҳокими Ўмирзак Шўкеев аҳолига берган ҳисоботида маълум қилди, деб хабар беради Kazinform.

«Халқимиз учун муҳим воқеа юз бермоқда. Елбасынинг топшириғига биноан, март ойида Туркистон шаҳрида бўлиб ўтадиган Туркий тилли Давлатлар саммитига тайёргарлик бошланди. Ушбу тадбир - бутун туркий халқларнинг маънавий ва маданий маркази – Туркистон шаҳридаги сайёҳларни кўпроқ жалб қилган ҳолда янги йўналишдаги туризм ривожига ҳисса қўшади. Елбасы Нурсултан Назарбаев: «Ҳар бир миллат, ҳар бир мустақил давлат ўзининг маънавий марказини белгилаши керак. Қозоғистоннинг маънавий маркази – Туркистон. У қозоқ халқининг маънавий юраги. Барчангизни вилоятимиз ва Туркистон шаҳрининг тикланиши ва ривожланишига ҳисса қўшишга чақираман», - деди Ўмирзак Шўкеев.