Туркистон вилоятида Ўзбекистон фуқароси 36 ўринли автобусга 52 йўловчини миндирган
Туркистон области патрул полицияси батальони катта лейтенантлари Ўткир Мэлсули ва Жансултан Ўтеп рейд давомида «Алмати-Тошкент-Термиз» йўлининг 749-775 километрида YUTONG жамоат транспорти ҳаракатини тўхтатди.
Текширув натижасида автобусдаги йўловчилар сони ҳаддан ташқари кўплиги аниқланган.
Яъни, автобус 36 ўринга мўлжалланган бўлса-да, унда 52 йўловчи бор экан. Транспорт Сариағаш туманидан Алмати томон йўл олган.
Маъмурий ҳуқуқбузарлик содир этган Ўзбекистон фуқаросига нисбатан Қозоғистон Республикаси Маъмурий жавобгарлик тўғрисидаги кодексининг 590-моддаси 5-қисми ва 7-қисми билан иккита баённома тўлдирилди. Бундан ташқари, 593-модданинг 1-қисми билан яна бир баённома тузилди.
Жамоат транспорти жарима майдонига қўйилган.
Ўз навбатида, Туркистон вилояти полицияси турли бахтсиз ҳодисаларнинг олдини олиш учун йўл ҳаракати қоидаларига қатъий риоя қилишга чақиради.