Туркистон вилояти – бизнес объектлари сони бўйича республикада етакчи

TÚRKİSTAN. Kazinform - Туркистон вилояти фаолият олиб бораётган кичик ва ўрта бизнес объектлари сони бўйича республикада етакчиликни қўлга олди, деб хабар беради Kazinform ҳудудий коммуникациялар хизматига ҳавола қилиб.

Туркистон вилояти Тадбиркорлар палатаси бизнес вакиллари билан ўтган йил якунларига бағишланган учрашув ўтказди.

Палата директори ўринбосари Мади Ибадуллаев 2019 йилда амалга оширилган ишларга тўхталди.

«Бир йилда вилоятда фаолият олиб бораётган кичик ва ўрта бизнес объектлари сони 8,5%га ортиб, республикада етакчиликни қўлга олди», - деди у.

Палата ўтган йилда тадбиркорларнинг 10 миллиард тангага баравар ҳуқуқлари ва манфаатларини ҳимоя қилган. Директор ўринбосарининг айтишича, 2019 йилда палатага 560 та ариза келиб тушган, шундан 418 таси ўз ечимини топган.

«Енбек» (меҳнат) дастури доирасида ҳудудда 12 579 одам тадбиркорлик бўйича ўқув курсларида иштирок этиб, 7 933 нафари грант эгаси бўлди. Вилоятда ишсизларнинг 24%и иш билан таъминланди. Қисқа муддатли ўқув курслари бўйича эса 5 466 нафар ишсиз фуқаро ўқиб, шундан 1 477 нафарига жами 745,8 миллион тг грант ажратилган.

Бундан ташқари «Бастау-Бизнес» ва «Ёш тадбиркор» лойиҳалари бўйича 7 113 одам ўқувда иштирок этиб, 2,7 млрд тангалик 401 та лойиҳани амалга оширишди. Курс иштирокчиларига жами 3,2 млрд тангалик грантлар берилган.

Учрашув сўнггида Тадбиркорлар палатаси ва Nur Otan партияси филиали билан ҳамкорлик меморандуми имзоланди.

Тадбирда Туркистон вилоятида тадбиркорликни ривожлантиришнинг 2020 йилга мўлжалланган чора-тадбирлар режаси тасдиқланди.