Турк сармоядорлари Ақтўбеда ядровий тиббиёт маркази қуради

AQTÓBE. Kazinform – Ақтўбеда ядровий тиббиёт маркази қурилади. Турк сармоядорлари лойиҳага 50 миллион тенге сарфламоқчи, деб хабар беради Kazinform мухбири.

Ақтўбе вилояти ҳокими Ерали Тоғжанов Туркиянинг «OrhunMedical» компанияси вакиллари билан учрашди. Инвесторларга вилоят соғлиқни сақлаш соҳасидаги инвестиция имкониятлари тақдим этилди.

Учрашувда Ақтўбе шаҳрида ядро тиббиёти ва томотерапия маркази билан биргаликда ОrhunМedical кўп тармоқли клиникаси қурилиши муҳокама қилинди. Шунингдек, Қозоғистоннинг ғарбий вилояти шаҳарларида иккита позитрон-эмиссия томографияси ва битта фотон-эмиссия компьютер томографияси марказларини очиш билан боғлиқ масалалар ҳам муҳокама қилинди.

Лойиҳани «OrhunMedical» компанияси бошқаруви раиси Гоненч Дирик тақдим этди. Инвестициялар ҳажми 50 миллион долларни ташкил этади.

Ядро тиббиёти марказининг ишлаб чиқариш қуввати ойига 12 минг ОФЭКТ/КТ тадқиқотини ташкил этади. Ақтау ва Атирау шаҳарларида ҳар йили 9000 та тадқиқот олиб борилади.

«Бу муҳим лойиҳа. Бунинг ҳисобига ғарбий ҳудуд аҳолиси юқори малакали ихтисослаштирилган тиббий ёрдам олишлари мумкин. Уни амалга оширишда ҳар томонлама ёрдам беришга тайёрмиз. Кадрлар масаласини тиббиёт университети ҳал қилади. У ерда мутахассислар тайёрлаш учун база очиш мумкин»

, - деди вилоят ҳокими Ерали Тоғжанов.

Шунингдек, маҳаллий кенгаш раҳбарларига инвесторларни зарур қўллаб-қувватлаш бўйича топшириқлар берди.

Муаллиф: Алтинай Сағиндиқова