Тунис қирғоқларида қочқинларни олиб кетаётган кема чўкиб кетди

ASTANА. Кazinform – Африка давлатларидан келган 35 нафар муҳожир изсиз ғойиб бўлди. Жума куни уларнинг кемаси Тунис қирғоқларида ҳалокатга учради, дея хабар беради Кazinform Euronewsга таяниб.

Италиянинг Бари порти қутқарилган 190 нафар муҳожир бўлган «Чегара билмас шифокорлар» нодавлат ташкилотининг кемасини қабул қилишга рози бўлди. Охирги суткада 1500 дан ортиқ ноқонуний қочқин Италия соҳилларига етиб келди.

Тунис ҳукумати Европага кетаётган африкалик қочқинларнинг яна бир кемасини қўлга олганини маълум қилди. Миллий гвардия вакили матбуот анжуманида соҳил хавфсизлик хизмати бир кун ичида 2034 муҳожирни, жумладан 9 нафар тунисликни қўлга олганини ва 7 кишининг жасади топилганини маълум қилди. Ҳуқуқ ҳимоячиларининг айтишича, яна бир қайиқ ағдарилиб, беш киши ҳалок бўлган, 28 киши бедарак йўқолган.