Транскаспий йўналишида юк ташиш ҳажми 6 баробар ортади

None
None
АNKARA. Кazinform - Жорий йилда контейнер ташиш ҳажми ўтган йилга нисбатан икки баробар ортади. Бу ҳақда Анқарада бўлиб ўтган «Транскаспий халқаро транспорт йўналиши» халқаро ассоциацияси ялпи йиғилишида(Middle sorridor) маълум қилинди, деб хабар беради Kazinform.

«Қазақстан темір жолы» маълумотларига кўра, бу йил контейнер ташиш ҳажми ўтган йилга нисбатан икки баравар кўпайиб, 50 минг ЙФЭга етиши кутилмоқда. Шу билан бирга, умумий юк ташиш ҳажми олти баравар - 3,2 миллион тоннагача ошиши кутилмоқда.

Эслатиб ўтамиз, 2022 йилнинг 4 ойида Транскаспий халқаро транспорт йўналишида 733 минг тонна юк ташилган. Бу шуни англатадики, 5 мингдан ортиқ автомобил ўтди ва 10 минг ЙФЭ контейнерлари ўз манзилига етказилди.

Транскаспий халқаро транспорт йўналиши Хитой, Қозоғистон, Каспий денгизи, Озарбайжон, Грузия, Туркия ва Қора денгиз орқали Европа давлатларига ўтади.

Эслатиб ўтамиз, Қасим-Жомарт Тоқаев давлат ташрифи билан Туркияда бўлиб турибди.

Анқарага давлат ташрифи доирасида Қасим-Жомарт Тоқаев Туркия Президенти Режеп Таййип Эрдоған билан музокаралар ўтказди.

Натижада икки томонлама ҳамкорликни ривожлантиришга қаратилган 14 та муҳим ҳужжат имзоланди.

Қасим-Жомарт Тоқаев ва Режеп Таййип Эрдоған икки давлат ўртасидаги муносабатларни «кенгайтирилган стратегик шериклик» даражасига кўтаришга қарор қилди.

Қозоғистон ва Туркия Президентлари кенгайтирилган стратегик шериклик тўғрисида қўшма баёнот берди.

Кун якунида Қасим-Жомарт Тоқаев ва Режеп Таййип Эрдоған ОАВ вакиллари учун брифинг ўтказди.


Сўнгги хабарлар