Тошкентда «Ўзбекистон – Қозоғистон. Стратегик шериклик ва иттифоқчиликни ривожлантириш истиқболи» анжумани бўлиб ўтмоқда
Тадбирда Ўзбекистон Республикаси Ташқи ишлар, Инвестициялар ва ташқи савдо вазирликлари, Президент ҳузуридаги Стратегик ва минтақалараро тадқиқотлар институти, Марказий Осиё халқаро институти, шунингдек, мамлакатда аккредитациядан ўтган хорижий дипломатик корпус вакиллари иштирок этмоқда.
Қозоғистон делегацияси таркибида мамлакатнинг Ўзбекистон Республикасидаги Фавқулодда ва мухтор элчиси Бейбут Aтамқулов, Стратегик тадқиқотлар институти директори Еркин Тукумов ҳамда етакчи таҳлил марказлари экспертлари бор.
«Анжуман давомида Президент Қосим-Жомарт Тоқаевнинг Ўзбекистонга давлат ташрифи доирасида Тошкент шаҳрида бўлиб ўтган олий даражадаги икки томонлама музокараларнинг натижалари, муҳим жиҳатлари кўриб чиқилади», - дейилади хабарда.
Фото: UzA