Тошкентда Марказий Осиёда барқарор туризм моделини ривожлантириш масалалари муҳокама қилинди
«Экологик маданиятни юксалтириш, халқаро стандартларни жорий этиш, самарали «яшил» технологиялардан фойдаланиш мамлакатимиз туризм индустриясини янада ривожлантиришнинг муҳим таркибий қисмидир», – деди Ўзбекистон табиий ресурслар вазири Азиз Абдуҳакимов ўзининг табрик сўзида.
Қозоғистон делегацияси вакиллари журналистларга берган интервьюсида Марказий Осиё минтақаси мамлакатларида туризм саноатининг рақобатбардошлигини ошириш учун «яшил» технологиялардан фойдаланиш бўйича тажриба алмашиш муҳимлигини таъкидладилар.
«Минтақамизга келаётган хорижлик сайёҳлар бир вақтнинг ўзида Марказий Осиёнинг бир қанча давлатларини кўришни истайди. Шу боис, ушбу конференцияда туризмни халқаро тенденцияларга мос равишда барқарор ривожлантиришнинг умумий масалаларини муҳокама қилишимиз жуда муҳим», — деди Қозоғистон туризм ассоциацияси директори Рашида Шайкенова.
«Барқарор туризмни ривожлантириш маҳаллий аҳолини доимий иш билан таъминлаш, диққатга сазовор жойлар ва табиий бойликларни асл ҳолида сақлаш ва келажак авлодларга етказишда муҳим аҳамиятга эга. Буларнинг барчасини бирлаштириш учун БМТнинг барқарор туризм стандартлари асосида ишлаб чиқилган махсус билимлар мавжуд.
Масалан, Ўзбекистонда 300 дан ортиқ меҳмонхоналарда микроиқлимни яхшилаш, сув-энергетика ресурсларидан тежамкор фойдаланиш қурилмаларидан фойдаланилади. Буларнинг барчаси ушбу стандартларни амалга ошириш самарадорлигини визуализация қилиш учун назорат қилинади. Бу туфайли туроператорлар ва сайёҳлар ҳамкорлик қилиш учун фақат шундай меҳмонхоналарни танлай бошлайдилар, бу эса қўшимча даромад олиш имконини беради», – деди Евроосиё туризм ассоциацияси президенти Ристи Карабаева.
Тадбир Европа Иттифоқи ва Ўзбекистон Республикаси Табиий ресурслар вазирлиги кўмагида бўлиб ўтди, ҳамда Греция, Қозоғистон, Кипр, Латвия, Тожикистон ва Ўзбекистондаги туризм соҳаси вакилларини бирлаштирди.
Муаллиф: Мадибек Джанибеков