Тошкентда 150 йил ичидаги энг иссиқ ҳаво ҳарорати қайд этилди

ТASHKENT. UzA - Kazinform - 5, 7 ва 8 июл кунлари Тошкентда сўнгги 150 йилдаги энг иссиқ ҳаво ҳароратининг рекорд даражаси янгиланди, деб хабар беради Kazinform UzAга асосланиб.

Ўзгидромет маълумотларига кўра, Ўзбекистон пойтахтидаги ҳарорат 150 йилдан буён доимий равишда кузатиб келинмоқда. Иқлим ўзгариши натижасида глобал исиш тезлашди. Бу тунда ҳарорат кўтарилганда ҳам яққол сезилади.

Кеча ҳароратининг кўтарилиши ҳавога иссиқлик ва бошқа ифлослантирувчи моддаларнинг тарқалиши, яъни иссиқхона эффекти жараёнида юзага келади. Иссиқхона эффекти глобал исишни келтириб чиқаради ва кун давомида ҳаво ҳароратининг максимал ва минимал кўрсаткичлари ўртасидаги фарқни камайтиради. Бу, ўз навбатида, ўртача кунлик ҳаво ҳароратининг ошишига олиб келади.

1881 йил 6 июлда Тошкентда бу куннинг мутлақ рекорд натижаси ўрнатилган (+44,1 даража). Бироқ, ўша пайтда ўртача кунлик ҳарорат анча паст эди (+28,1 даража). 2021 йил 6 июлда максимал кунлик ҳаво ҳарорати рекорд даражадан (+41,5 даража) пастроқ бўлса-да, ўртача кунлик ҳаво ҳарорати 1881 йилдаги ўртача ҳаво ҳароратидан тахминан 5,5 даражага юқори бўлди.

Эслатиб ўтамиз, июн ойида Ўзбекистонда сўнгги 80 йил ичида максимал ҳаво ҳарорати кузатилди. Натижада, Тошкент метрополитенининг ер усти линиясида поездларнинг ҳаракатланиш тезлиги чекланди.