Токио Олимпиадасига борган хорижликлар карантинга олинмайди

TOKYO. KYODO NEWS- Kazinform – Япония ҳукумати 2021 йилги Токио Олимпиадасига келган чет эллик томошабинларини икки ҳафталик карантин зарурлигидан озод қилиш масаласини кўриб чиқмоқда, деб хабар беради Kazinform Kyodo Newsга асосланиб.

Япония ҳукумати чет эллик томошабинларнинг мамлакатга кириши учун мажбурий шарт-шароитлар яратишни ҳам режалаштирмоқда. Шу асосда мамлакатга хорижий фуқаролар келгунига қадар ўтказилган коронавирус текширувларининг манфий натижалари тўғрисидаги бир нечта сертификатларга эга бўлиш зарур. Келгандан кейин чет элликлар маҳаллий ҳокимият назорати остида бўлади.

Эслатиб ўтамиз, Токио Олимпиадаси 2020 йили 24 июлдан 9 августгача ўтказилиши керак эди. Пандемия сабабли мусобақа бир йилга қолдирилди ва 2021 йилнинг 23 июлдан 8 августгача бўлиб ўтади. «Токио-2020» ўйинларининг номи ҳам сақланиб қолди.