Токио Олимпиадаси томошабинларсиз ўтказилади

NUR-SULTAN. Kazinform – Токио Олимпиада ўйинлари-2020 мусобақасига томошабинлар иштирок этишларига йўл қўйилмайди. Бу ҳақда мусобақани ўтказишга масъул Япония вазири Тамае Марукава маълум қилди, деб хабар беради Kazinform Миллий олимпия қўмитаси сайтига таяниб.

8 июл куни Япония пойтахтида август ойининг охиригача давом этадиган фавқулодда ҳолат эълон қилинди.

Дастлаб, пандемия сабабли чет эллик мухлисларни Олимпиадага юбормасликка қарор қилинди. Энди маҳаллий томошабинлар ҳам мусобақага бора олмайдилар. Токиодаги барча мусобақалар, маросимлар, Олимпиаданинг очилиш ва ёпилиш маросимлари томошабинларсиз ўтказилади.

«Токио, Канагава, Сайтамада ва Тибада томошабинларни мусобақага киритмаслик тўғрисида қарор қабул қилинди. Ўз навбатида, Мияги, Фукусима ва Сидзуока префектураларида 10 минг кишигача рухсат берилади ва одамлар сони объектларнинг 50 фоизидан ошмаслиги керак», - деди Марукава.

Эслатиб ўтамиз, Токио Олимпия ўйинлари 23 июлдан 8 августгача бўлиб ўтади.