Тоқаев Сitigroup молия институтининг Қозоғистондаги фаолияти истиқболларини муҳокама қилди

ASTANA. Kazinform – ҚР Президенти Қасим-Жомарт Тоқаев Сitigroup компаниясининг Европа, Яқин Шарқ ва Африка бўйича бош ижрочи директори Дэвид Ливингстонни қабул қилди, дея хабар беради Kazinform Ақордага таяниб.

Учрашувда халқаро молия институтининг Қозоғистондаги фаолияти истиқболлари муҳокама этилди.

ҚР Президенти компания раҳбарининг мамлакат молия секторида рақамли трансформацияни ривожлантириш борасидаги саъй-ҳаракатларини юқори баҳолади.

Дэвид Ливингстон Давлат раҳбарига ўтган йили Сitibank Kazakhstan Астана халқаро биржасининг Қимматли қоғозлар марказий депозитарийсига (AIX CSD) аъзо бўлганини маълум қилди.

Унинг сўзларига кўра, бу халқаро институционал инвесторларга ўз активларини AIX депозитарийсида сақлаш имконини беради.