Тоқаев сайловда ғалаба қозонган Режеп Таййип Эрдоғанни табриклаб, Қозоғистонга таклиф қилди

None
Фото: t.me/aqorda_resmi
ASTANA. Kazinform – Давлат раҳбари Туркия Президенти Режеп Таййип Эрдоған билан телефон орқали мулоқот қилди, деб хабар беради Ақорда.

Суҳбат чоғида Қасим-Жомарт Тоқаев Режеп Таййип Эрдоғанни президентлик сайловидаги ғалабаси билан табриклади.

Давлат раҳбари Режеп Таййип Эрдоғанни Туркия Республикасининг 100 йиллиги арафасида бўлиб ўтган президентлик сайловида яққол ғалаба қозонгани унинг Туркия ривожига қўшган улкан ҳиссаси, жамиятдаги юксак обрў-эътибори самараси эканини таъкидлади.

Президент икки қардош давлатнинг кўп асрлик муштарак тарихи ва маданияти чуқур илдизларга эга эканини таъкидлаб, Туркия билан кенгайтирилган стратегик шерикликни янада ривожлантиришга тайёр эканини билдирди.

Қасим-Жомарт Тоқаев Режеп Таййип Эрдоғанни шу йилнинг кузида Турк дунёсининг маънавий пойтахти Туркистонда бўлиб ўтадиган Туркий давлатлар ташкилотининг 10-йиллик юбилей саммитида иштирок этишга таклиф этди.

Ўз навбатида Туркия Президенти ҳам Давлат раҳбарига миннатдорлик билдириб, қардош Қозоғистон халқига бундан буён ҳам юксалиш ва гуллаб-яшнашни тилади.

Эслатиб ўтамиз, кеча Туркияда бўлиб ўтган президентлик сайловларининг иккинчи босқичида Режеп Таййип Эрдоған ғалаба қозонган эди.

Бугун эрталаб Қасим-Жомарт Тоқаев Twitterдаги саҳифасида Режеп Таййип Эрдоғанни президентлик сайловларидаги ғалабаси билан табриклади.

Сўнгги хабарлар