Тоқаев Қозоғистон-Хитой муносабатларининг янги «олтин 30 йиллиги» бошланганини маълум қилди

NUR-SULTAN. Kazinform - Қозоғистон Республикаси Президенти Қасим-Жомарт Тоқаев Хитой Халқ Республикаси Раиси Си Цзинпин билан учрашди. Учрашувда Давлат раҳбари Қозоғистон-Хитой муносабатларининг янги «олтин 30 йиллиги» бошланганини эълон қилди, деб хабар беради Ақорда.

Давлат раҳбари Хитой раҳбарининг таклифини қабул қилиб, унинг Қозоғистонга давлат ташрифи билан келгани учун миннатдорлик билдирди.

«Бу Сизнинг пандемиядан кейинги биринчи чет эл сафарингиз. Шу боис саёҳатингиз тарихий аҳамиятга эга. Буни ўзаро ишонч ва ҳамкорликнинг юксак ифодаси, деб биламан. Жорий йилнинг 5 феврал куни XXIV қишки Олимпия ўйинларининг очилиш маросимида иштирок этганимдан хабарингиз бор. Ўша пайтдаги Пекиндаги учрашувимизни мамнуният билан эслайман»

, – деди Давлат раҳбари.

Учрашувда Қасим-Жомарт Тоқаев Қозоғистон ва Хитой ўртасида дипломатик муносабатлар ўрнатилганига 30 йил тўлганини таъкидлади.

«Ташрифингиз ушбу муҳим босқичга тўғри келди. Қисқа вақт ичида биз барқарор давлатлараро муносабатларни ўрнатдик. Сиз Қозоғистон иқтисодиётини ривожлантириш ва халқаро ташаббусларимизни доимо қўллаб-қувватлайсиз. Бунинг учун Сизга ташаккур»

, - деди Президент.

Қасим-Жомарт Тоқаевнинг таъкидлашича, 2019 йил сентябр ойида Пекинга давлат ташрифи чоғида эришилган ҳар томонлама абадий стратегик шериклик тўғрисидаги келишув муваффақиятли амалга оширилмоқда. Бугунги қўшма баёнот муносабатларнинг янги «олтин 30 йили»нинг бошланишини кўрсатади. Шу боис Хитой раҳбарининг ушбу ташрифи жуда муҳимдир.

Фото: akorda.kz