Тоқаев: Энг муҳими, қўшни давлатлар билан тинч-тотув бўлишимиз керак

TURKISTAN. Kazinform - Қозоғистон Президенти Туркистон жамоатчилиги билан учрашувда ҳозирги халқаро вазият ҳақида ўз муносабатини, дея хабар бермоқда Kazinform.

«Ҳозирги халқаро вазият ҳақида қисқача тўхталиб ўтмоқчиман. Маълумки, дунёда вазият жуда кескинлашган. Бундай мураккаб вазиятда Қозоғистон халқаро ташкилотларда, биринчи навбатда, Бирлашган Миллатлар Ташкилотида овоз бериш жараёнида нейтрал позицияни сақлаб келмоқда. Бу бизнинг миллий манфаатларимизга мос келади. Биз учун юртимиз яхлитлиги, юртимиз фаровонлиги энг муҳими. Шунинг учун биз ақл-идрок ва сабр-тоқатни намоён этишимиз ва провокаторларга эргашмаслигимиз керак»

, — деди Қасим-Жомарт Тоқаев.

Унинг сўзларига кўра, халқимизнинг асосий кучи ҳамжиҳатлик, соғлом фикр ва бағрикенгликдир.

«Агар биз бу қадриятларни йўқотсак, мамлакатимиз катта хавф остида қолади. Давлатларнинг ҳудудий яхлитлиги сақланиши керак. Бу асосий тамойил. Мен буни халқаро майдонда ҳам доим очиқ ва аниқ айтганман. Мен яқинда Бирлашган Миллатлар Ташкилотига бориб, буни яна энг юқори минбардан нутқ сўзладим. Буларнинг барчаси бежиз эмас. Атрофимизда кенг кўламли уруш кетмоқда. Шуни инобатга олган ҳолда, аввало, мамлакатимиз хавфсизлигини ўйлашимиз керак»

, - деди у.

Қозоқда шундай нақл бор: «Қўшни тотув одамнинг қўнгли тўқ». Энг муҳими, қўшни давлатлар билан тинч-тотув бўлишимиз керак.

«Биз бундан ҳеч нарса йўқотмаймиз. Кейинги кунларда қўшни давлатдан, яъни Россиядан кўплаб одамлар кела бошлади. Уларнинг аксарияти мавжуд вазият туфайли бошқа вариантлари йўқлиги сабабли келмоқда. Биз уларга ғамхўрлик қилишимиз ва хавфсизлигига эътибор беришимиз керак. Бу сиёсий ва гуманитар масала. Мен бу масалани ҳукумат муҳокамасига киритдим»

, – деди Давлат раҳбари.

Фото: t.me/bort_01