Тирик вакцина: Қозоғистонда COVID-19га қарши яна бир препарат синовдан ўтказилмоқда

NUR-SULTAN. Kazinform – Қозоғистон олимлари COVID-19га қарши дунёдаги биринчи тирик вакцинанинг клиникадан олдинги синовини якунлаш арафасида, деб хабар бермоқда Kazinform мухбири.

Бу ҳақда бугун Ҳукумат йиғилишида Биохавфсизлик илмий-тадқиқот институти бош директори Кунсулу Закарья маълум қилди.

«2020 йилда COVID-19га қарши QazCovid-in (савдо номи QazVac)га инактивланган вакцина ва QazCoVac-P суббирлик вакцина ишлаб чиқилди ва клиник синовдан ўтказилди. 2021 йилда каприпоксвирус ва грипп вирусига асосланган COVID-19га қарши векторли вакциналар ишлаб чиқилди. Иккаласи ҳам клиникадан олдинги текширувдан ўтди. Кейин дунёда илк марта COVID-19га қарши тирик вакцина ишлаб чиқилди. Клиникадан олдинги тестлар якунига яқинлашмоқда», - деди олима.

Бош директор сўнгги йилларда эришилган асосий илмий ютуқларга ҳам тўхталиб ўтди.

«2018 йилда нодуляр дерматитга қарши вакцина чет эл муқобилларидан уч баробар арзонроқ нархда ишлаб чиқилди. Республика бюджетидан 6 миллиард тенге иқтисод қилинди. 2019 йилда бруцеллёзга қарши янги вектор вакцина ишлаб чиқилди. 2020 йилда Қишлоқ хўжалиги вазирлиги томонидан чечакка қарши вакцина ишлаб чиқилиб, фойдаланишга топширилди. Вакцина касалликнинг тарқалишининг олдини олди», - деди Кунсулу Закарья.

Муаллиф: Марлан Жиембай