Ўтган йили Қозоғистондан 7 та давлатга янги 10 та ҳаво йўллари очилди

ASTANA. Kazinform – 2022 йилда Қозоғистондан 7 та давлатга янги 10 та ҳаво йўллари очилади, дея хабар беради Kazinform ҚР Маданият ва спорт ишлари вазирлиги матбуот хизматига таяниб.

Хусусан, Қозоғистон фуқаролари Милан (Италия), Ираклион (Греция), Нячанг (Вьетнам), Қувайт (Қувайт), Анқара (Туркия), Маэ ороли (Сейшел ороллари) ва Туменга (Россия) тўғридан-тўғри саёҳат қилишлари мумкин.

Янги йўналишларнинг очилиши мамлакатга кўплаб хорижий сайёҳлар келишига ижобий таъсир кўрсатди. Масалан, 2022 йилда Қозоғистонга келган хорижлик сайёҳлар сони ўтган йилга нисбатан 3 баробар кўпайган.

«Ҳозирда Туризм қўмитаси янги ҳаво йўналишларини очиш устида ишламоқда. Ташкилий чора-тадбирлар тугагач, жамоатчиликни хабардор қиламиз. Тўғридан-тўғри рейсларнинг очилиши, шубҳасиз, мамлакатнинг сайёҳлик жозибасини оширади. Масалан, ўтган йили Атирау вилоятига ташриф буюрган сайёҳлар сони 3,5 баробар ошди. Бу ҳудуднинг транзит салоҳиятига ҳам боғлиқ. Қозоғистонга келган ҳар тўртинчи сайёҳ Алматига боради. 2022 йилда жанубий пойтахтимизга 1,2 миллиондан ортиқ сайёҳ келган. Бу рекорд кўрсатгич. Мамлакатнинг тоғ-чанғи курортларига ташриф буюрган сайёҳлар сони 1,5 миллион нафарга етди. Йиллик ўсиш 20% ни ташкил этди. Мамлакатимизда чанғи спорти бўйича сайёҳлар сони пляж сайёҳлари сонига тенг бўлди», - деди ҚР Маданият ва спорт ишлари вазири ўринбосари Ержан Еркинбаев.