Ўтган йили Қозоғистонда 5000 дан ортиқ автомобил ишлаб чиқарилди

NUR-SULTAN. Kazinform – Пандемия ва молия секторининг беқарорлиги сабабли глобал инқирозга қарамай, Қозоғистон автомобилсозлик саноатида 2020 йилда ишлаб чиқариш ва сотиш ҳажмининг сезиларли даражада ўсиши кузатилди. Бу ҳақда Kazinform ҚР Индустрия ва инфратузилмаларни ривожлантириш вазирлигининг Telegram каналига асосланиб хабар беради.

Қозоғистонда 2020 йилда 77 471 дона техника ишлаб чиқарилди, бу 2019 йилга нисбатан бир ярим баравар кўп (50 541 дона). Хусусан, юк машиналари ва автобуслар ишлаб чиқариш ҳажмининг ўсиши кузатилмоқда. 2020 йилда маҳаллий заводлар ишлаб чиқариш ҳажми тахминан 40% га ўсиб, 5000 дан ортиқ машина ишлаб чиқарди. Шу билан бирга, 2019 йилда Қозоғистон машинасозлик саноатида автомобилсозлик соҳасининг улуши атиги тўртдан бир қисмини (26,3%) ташкил этган бўлса, 2020 йилда бу кўрсаткич 33,4%га ўсди.