Ўтган йили Қозоғистон йўлларида қўшимча 3,5 минг ақлли камералар ўрнатилди

NUR-SULTAN. Kazinform – Ўтган йили Қозоғистон автомобиль йўлларида қўшимча 3,5 мингта камералар ўрнатилди. Бу ҳақда Қозоғистон Ички ишлар вазирлиги Маъмурий полиция қўмитаси раисининг ўринбосари Серик Тусупов маълум қилди, деб хабар беради Kazinform мухбири.

«Йўл ҳаракати қоидаларини бузишни автоматик равишда қайд қилиб бориш йўл-транспорт ҳодисаларининг олдини олишга ёрдам беради. 2020 йилда маҳаллий ҳокимликлар билан ҳамкорликда йўлларда 3,5 мингга яқин қўшимча камералар ўрнатилди. Ўтган йили уларнинг умумий сони 36 фоизга ўсиб, 12 856 камерани ташкил этди», - деди у вазирлик матбуот хизматида ўтказилган брифингда.

Унга кўра, ўтган йили ушбу камералар ёрдамида 2,6 миллион йўл ҳаракати қоидаларини бузиш ҳолатлари аниқланган.

Шундай қилиб, мамлакатда йўл ҳаракати қоидаларининг ҳар иккинчи бузилиши автоматик камералар томонидан аниқланади.

«Ушбу тадбирлар йўл ҳаракати иштирокчиларининг хатти-ҳаракатларини сезиларли даражада яхшилади. Шу туфайли мамлакатда йўл-транспорт ҳодисалари сони сезиларли даражада камайди. Камералар транспорт ҳаракати ва ҳайдовчиларнинг хатти-ҳаракатларини кузатишда самарадорлигини исботлади», - деди Серик Тусупов.

Муаллиф: Марлан Жиембай