Ўтган йилда Туркистон вилоятига 164 минг чет эл фуқаролари келган

TÚRKİSTAN. Kazinform - Ўтган йилда Туркистон вилояти ҳудудига 164 мингдан зиёд чет эл фуқаролари келган, деб хабар беради Kazinform вилоят полиция департаменти матбуот хизматига ҳавола қилиб.

Департамент вакилларининг айтишича, бунга ҚР Ички ишлар вазирлиги бошқа ваколатли органлар билан виза-миграция режимини осонлаштириш борасида олиб бораётган тизимли ишлар имкон яратган.

Шунингдек, Қозоғистонга 30 суткагача бўлган муддатга келадиган чет эл фуқароларини мажбурий вақтинча прописка қилиш тартиби олиб ташланиши ҳам ижобий таъсир кўрсатган.

Қозоғистон Республикаси миграция жараёнларининг шаффофлигининг ортиши орқали административ тўсиқлар олиб ташланиб, юртимизнинг, жумладан, ҳудуднинг туристик жозибадорлиги ортиб бормоқда.

2019 йилда Туркистон вилояти ҳудудига 164 мингдан зиёд чет эл фуқароларининг келиши ҳам виза-миграция режими соддалаштирилишининг амалдаги исботидир.