Теннис: Қозоғистон терма жамоаси Осиё жамоавий чемпионатининг финал босқичига йўлланма олди

TASHKENT. Kazinform- Тошкентда 12 ёшгача бўлган болалар ўртасида Марказий Осиё минтақасида жамоавий Осиё чемпионатининг саралаш босқичи якунланди, деб хабар беради Kazinform Olympic.kzга таяниб.

Ўзбекистон, Қозоғистон, Қирғизистон ва Тожикистон жамоалари финалга иккита йўлланма учун кураш олиб боришди. Мусобақа якунлари бўйича Қозоғистон терма жамоаси Қирғизистонни 3: 0, Тожикистонни 3: 0 ва охирги куни корт жгаларини 3: 0 ҳисобида мағлуб этди. Қозоғистон қизлар жамоасида Ева Коришева, Еркежан Жанатаева, Эвелина Балаганская ва Анелия Нурқаева (сардор) ўйнаган. Ўғил болалар жамоаси (Мадияр Тағибеков, Роберт Каминский, Родион Трайгель ва сардор Ойбек Абдираҳимов) Қирғизистон ва Тожикистон теннисчиларини мағлуб этишди, лекин Ўзбекистонга 1: 2 ҳисобида ютқазиб, иккинчи ўринни эгаллашди. Шу тариқа иккала жамоа ҳам финалга йўлланма олди.

Қозоғистон Теннис федерациясининг 10-14 ёшли болаларни ривожлантириш ва мураббийлар тайёрлаш бўйича координатори Шуҳрат Қаюмовнинг сўзларига кўра, бу катта ютуқ. Қизлар юқори маҳоратларини намойиш этишди. Ўғил болалар жамоаси етакчилари Ярослав Пшеничний, Михаил Мишченко, Мансур Саинов йўқлигига қарамай, улар бор кучларини ишга солишди.