10:08, 11 Июн 2020 | GMT +6
Тарихда илк маротаба тўлиқ электр самолётига сертификат берилди
BRUSSEL. Kazinform - Европа авиация хавфсизлиги агентлиги дунёда биринчи марта тўлиқ электр самолётига сертификат берди, дея хабар беради Kazinform мухбири агентлик веб-сайтига асосланиб.
«Бу катта силжиш. Авиация саноати шовқин ва чиқиндиларни камайтиришга, шунингдек авиациянинг экологик барқарорлигини оширишга қаратилган янги технологияларни изламоқда», - деди Агентликнинг ижрочи директори Патрик Кай.
Икки ўриндиқли Velis Electro самолётини Словениянинг Pipistrel компанияси ишлаб чиқарган.
Қанотлари 10,71 метр бўлган самолёт соатига 185 км тезликда учади, максимал оғирлиги 600 кг, максимал 3,6 км баландликка кўтарила олади.
Муаллиф: Тимур Дуйсекеев