Таразда янги мактаблар, турар-жой массивлари барпо этилмоқда
13:27, 28 Январ 2022
TARAZ. Kazinform – Таразда таълим муассасалари ва турар-жой бинолари қурилиши бўйича ишлари жадал давом этмоқда, деб хабар беради Kazinform мухбири.
Жамбил вилояти ҳокими матбуот хизмати хабарига кўра, вилоят раҳбари Бердибек Сапарбоев Тараз шаҳрида таъмирлаш-қурилиш ишларининг бориши билан танишди, ижтимоий соҳа объектларида бўлди.
«Арай» массивида Бердибек Сапарбоев 600 ўринли мактаб қурилишини кўздан кечирди. Лойиҳанинг умумий қиймати 1,4 млрд тенгени ташкил этади. Қурилиш майдончасида 100 га яқин киши меҳнат қилмоқда. Ойлик иш ҳақи - 180-200 минг тенге.
«БазисДорСтрой» МЧЖ вакиллари таъкидлаганидек, 2021 йил июл ойида бошланган қурилиш ишлари жорий йилнинг июн ойида тўлиқ якунланиши режалаштирилган.