Таомларнинг калориясини менюга ёзиб қўйиш саратон касаллигидан минглаб ўлимларнинг олдини олиши мумкин

ASTANА. Кazinform – Ресторан менюсига овқат колораясини киритиш минглаб одамларнинг ҳаётини сақлаб қолиш ва миллиардлаб долларларни тежаш имконини тақдим этади, деб хабар беради Кazinform янги тадқиқотга таяниб.

2018 йилда АҚШда янги қонун қабул қилинди. Унинг талабларига кўра, 20 ва ундан ортиқ ўринли ресторанлар ва тез овқатланиш тармоқлари менюда овқатнинг калориясини кўрсатиши керак.

Ушбу қонун аллақачон ҳар бир таомнинг энергиясини 20-60 калорияга камайтиришга олиб келди.

Тафтс университети мутахассислари томонидан ўтказилган тадқиқотга кўра, бу сиёсат 20-65 ёшдаги одамлар орасида камида 28 000 семириш билан боғлиқ саратон касаллигининг олдини олади.

Бу, шунингдек, 16,700 саратон ўлимининг олдини олади ва соғлиқни сақлаш ва ижтимоий хизматлар учун 2,8 миллиард доллар (2,55 миллиард эвро) тежайди.

Тахминларга кўра, ушбу янгилик саратоннинг қуйидаги турларидан ўлимни олдини олади: жигар (4530), постменопозал кўкрак (3080), эндометриум (2060), буйрак (1980), ошқозон ости бези (1230).

Олдинги тадқиқотлар шуни кўрсатдики, бу сиёсатлар АҚШ катталари орасида юрак-қон томир касалликлари ва 2-тоифа диабетнинг олдини олади, аммо семириш билан боғлиқ саратон касалликларининг тиббий ва иқтисодий таъсири илгари баҳоланмаган.

«Биз истеъмолчиларга, сиёсатчиларга ва тадбиркорларга кичик ўзгаришлар қандай катта фойда келтиришини кўрсатишимиз керак», - деди тадқиқотнинг етакчи муаллифи, Тафтс университети Фридман мактабининг овқатланиш эпидемиолгияси ва маълумотлар илми фанлари номзоди Менгси Ду.

BMJ Open журналида чоп этилган тадқиқот муаллифларининг айтишича, бу 20-44 ёшдаги ёшлар ва катталар учун энг фойдали, чунки бу гуруҳ семизлик билан боғлиқ саратон касаллигидан азият чекади.

Олимларнинг таъкидлашича, жамиятнинг барча қатламларидаги одамлар этикеткалаш сиёсатидан фойда олишларини таъминлаш учун кўпроқ иш қилиш керак.

Тадқиқотларга кўра, семизлик билан боғлиқ саратонлар Буюк Британияда янги ташхис қўйилган саратон касалликларининг тахминан 40 фоизини ташкил қилади.

Ҳар уч америкаликдан бири семириб кетган ва семизлик саратоннинг 13 тури учун хавф омилидир.

Гарчи Европа Иттифоқи бир неча йиллардан бери озиқ-овқат пакетларида озуқавий қийматни кўрсатишни мажбурий қилиб қўйган бўлса-да, кўпгина Европа мамлакатлари ҳали ҳам ресторан менюсида калорияларни кўрсатмайди.

Ирландия бу қонунни 2015 йилдан бери, ҳукумат ундан воз кечганидан бери қабул қилиш учун курашади.

Буюк Британияда менюларда калорияларни кўрсатиш талаби 2022 йилда кучга кирди.

Шотландия ва Уэльс расмийлари энди бу масалани кўриб чиқмоқда.