Табиий офатдан зарар кўрган туркистонликларга компенсация тўланади

TÚRKİSTAN. Кazinform - Табиий офатдан зарар кўрган Туркистон вилоятининг Қазиғурт, Сариағаш туманлари ва Кентау тумани аҳолисига товон пули тўланади. Махсус комиссия қарорига кўра, маблағлар вилоят бюджетининг захира фондидан ажратилади, деб хабар беради Kazinform мухбири.

Туркистон вилояти ҳокими матбуот хизмати хабарига кўра, ҳозирда вилоят ҳокими раислигидаги махсус комиссия харажатлар миқдорини ҳисоблаб чиқмоқда.

Ҳисоб-китоб ишлари тугагандан сўнг, ўлган уй ҳайвонлари қоидаларга мувофиқ қопланади, уй-жой тикланади, бинолар ва уйларнинг томлари таъмирланади, фермер хўжаликлари биноларини тартибга солиш учун ёрдам кўрсатилади.

Эслатиб ўтамиз, 24 апрел куни Туркистон вилоятининг Қазиғурт ва Сариағаш туманларида кучли ёмғир, Кентау шаҳрида кучли шамол туфайли табиий офат юз берган эди. Натижада 50 нафар киши эвакуация қилинган. Инсоний қурбонлар йўқ. Дастлабки ҳисоб-китобларга кўра, 53 та ҳовли, 19 та уй, 1 та ресторан ва 16 та бино сув остида қолган. Шунингдек, 370 бош чорва моллари ўлган.

Муаллиф: Қайрат Зайнишев