«Тўмарис» фильми Европа ва Осиё мамлакатларида намойиш этилади

NUR-SULTAN. Kazinform – «Тўмарис» фильми Европа ва Осиёнинг бирқанча мамлакатларида намойиш этилади. Бу ҳақда фильм режиссёри Ақан Сатаев Instagram саҳифасида маълум қилди, деб хабар беради Kazinform мухбири.

«Азиз дўстлар! Ҳушхабаримиз бор. Канн онлайн-кинобозори доирасида Arclight Films агентимиз «Тўмарис» фильмини халқаро намойишларга муваффақиятли равишда олиб чиқди. «Тўмарис» фильми: Франция (дистрибьютори: SND Films), Италия (Blue Swan), Испания (Art Mood), Россия (Paradise), Руминия (Program 4 Media), Туркия (Siyah Bayez Movies), Япония (AT Entertainment), Яқин Шарқ (Gulf Film), Жанубий Корея (Challan), Сингапур (Shaw) мамлакатларида намойиш этилади», - деб ёзди Ақан Сатаев.

Эслатиб ўтамиз, фильмда милоддан аввалги VI асрда содир бўлган воқеа тасвирланган. Фильмда афсонавий малика Тўмариснинг буюк жангчига айланиши, яқинларидан айрилиши, хоинлардан қасос олиши ва сақ қабилаларини бирлаштирганлиги ҳақида ҳикоя қилинади.

Фильм Қозоғистон Республикаси Маданият ва спорт ишлари вазирлиги томонидан «Қазақфильм» киностудиясида Sataifilm компанияси иштирокида суратга олинган.

Бунгача ушбу фильм АҚШ кинотеатрларида намойиш қилиниши ҳақида хабар бергандик.

Муаллиф: Аян Бекенўғли