Сув полоси: ҚР эркаклар терма жамоаси Осиё чемпионатида «бронза» медалини қўлга киритди

ASTANA. Kazinform – Қозоғистоннинг сув полоси бўйича терма жамоаси Сингапурда бўлиб ўтган 2023 йилги Осиё чемпионатида бронза медалини қўлга киритди, дея хабар беради Kazinform Sports.kz сайтига таяниб.

Учинчи ўрин учун кечган баҳсда жамоа Таиландлик рақибларини 18:7 ҳисобида мағлуб этди. Қозоғистонлик Мурат Шакенов учрашувнинг энг яхши спортчиси деб топилди.

Бу натижа эвазига Қозоғистон расман жаҳон чемпионати йўлланмасини қўлга киритди.

Бунгача Қозоғистон аёллар терма жамоаси олти учрашувнинг барчасида ғалаба қозониб, Осиё чемпионати олтин медалини қўлга киритган эди. Финалда қозоғистонлик аёллар ўзбекистонлик рақибларини мағлуб этишди (12:6)

Фото: sports.kz